Велика Британија: Голема е веројатноста Путин за кратко да го нападне и Киев!

„Постои голема веројатност рускиот претседател Владимир Путин да нареди извршување целосна инвазија врз Украина и да го нападне Киев“, изјави денеска британската министерка за надворешни работи Лиз Трас.

„Сметаме дека е многу веројатно дека Путин ќе го исполни својот план за целосна инвазија врз Украина“, изјави Трас за SkyNews .

На прашањето дали рускиот лидер ќе тргне кон главниот град Киев, таа изрази уверување дека е „многу веројатно тоа да е во неговите планови“.

Откако Путин истакна дека испраќа војници, „се уште немаме целосни докази дека тоа се случило“, нагласи Лиз Трас, нарекувајќи ја моменталната ситуација „нејасна“.