Заборавена снимка на Маршалот: Тито “плаче” од болки (видео)

За време на неговата официјална посета на Шведска во 1976 година, југословенскиот претседател Јосип Броз Тито доживеа необична несреќа. Имено, додека тој излегувал од автомобилот, неговиот генерал-аѓутант Марко Рапо невнимателно ја затворил вратата од возилото додека Тито сè уште излегувал од автомобилот.

И така се случи вратата да му ги фати прстите!

Тито извика болно, а аѓутантот веднаш ја отвори вратата и му ја ослободи раката. Целиот настан го снимија камерите на шведските медиуми, кои беа собрани таму за да ја снимаат средбата на југословенскиот маршал и шведскиот премиер Олоф Палме.

На видеото се гледа и како Тито подоцна им објаснува на домаќините како дошло до несреќата.