Масонот и Големиот оратор на српските масони, Лазар Ристовски: Еве зошто се разведов. Славниот глумец ќе дели имот вреден повеќе од 1 милион евра (фото)

Како гром од ведро небо одекна веста дека Лазар Ристовски (69) и Даница Ристовски (66) се разведуваат. Големиот глумец и моќен масон (еден период беше голем оратор во српската масонерија) вели дека не се работи за друг маж или друга жена, туку дека нивната љубов ја изгубила својата жар.

„Оваа тема ни е тешка и не би било убаво да развлекуваме во жолтиот печат. Ние сме сепак два, ако можам да кажам така, големи и достоинствени уметници, кои стигнаа до крајот на нивниот заеднички пат, кои ќе продолжат по нивниот пат по официјалниот развод, а овие патишта сигурно ќе се испреплетуваат и повторно ќе се сретнат, но на поинаков начин. Не раскинавме поради друга жена или друг маж. Едноставно ја потрошивме енергијата која не држеше заедно. Водејќи се од конзервативните обичаи, можеби можевме да продолжиме да живееме заедно, за да се докажуваме, само не знам на кој, но секако вака е многу поздраво и поправедно што решивме да го направиме овој чекор. Ние во последно време се гледавме со очите кои ја изгубија својата жар, занос и љубов, која не грееше повеќе од четириесет години“, изјави актерот за магазинот „Глорија“ и додаде дека било тешко да се донесе таква одлука.

Секако дека е тешко. Но треба да се следи и почитува животната енергија за луѓето да не се разболат. Животната енергија мора да има свој тек, бидејќи ако се запре тој проток, ако насилно се блокира тогаш има трагични последици и завршетоци. Ние сме две достоинствени суштества и затоа нашето раскинување е достоинствено. Толку луѓе се разведуваат. Порано мислев дека не е убаво, дека не е во ред. Ама нели е подобро двајца луѓе ако веќе ја изгубија мотивација за заеднички живот, тој живот да го прекинат и да продолжат да ги живеат своите други, енергетски посвежи и поздрави животи. Не живеете заедно неколку месеци“.

Актерот го доживува разводот како уништување на еден свет.

„Тоа секако е уривање на еден свет. Но, тоа не е уривање на куќата што заедно ја изградивме сите овие години. Нашите деца ќе продолжат да доаѓаат во таа куќа, како и ние. Таа куќа е отворена засекогаш за сите нас.

На прашањето како нивните синови Петар и Јован реагираат на веста за разводот на нивните родители, актерот рече:

„Тие двајца се полнолетни кои сега имаат свои семејства. Тие исто така мислат дека е поздраво и поправедно луѓето, ако веќе не се среќни во бракот, да се трудат да бидат среќни надвор од бракот.

Според медиумите, Ристовски во последните месеци откако раскинале најголем дел од времето го поминува во Црна Гора, поточно во нивната куќа и на брод во Главатичиќи кај Котор, додека неговата сега поранешна сопруга е посветена на проекти во Белград.

Покрај луксузниот имот на море, кој го реновирал минатата година, Лазар со години се обидувал да ја продаде куќата во Земун, но никој не сакал да плати 400.000 евра за тоа. Покрај двата луксузни имоти, вредни повеќе од еден милион евра, парот во четиридеценискиот брак набави и јахта, а предмет на развод ќе биде успешната продукциска куќа „Зилион филм“ која се уште е во сопственост на славниот актер.

Според медиумите, парот останал во добри односи и по разводот, а имотот чија вредност се проценува на повеќе од еден милион евра ќе им биде оставен на децата.