„Нема учебници – СДСМ бара оставка од министерката Јаневска“

Почетокот на учебната година веќе е позади, а илјадници ученици сѐ уште немаат учебници. СДСМ ја повикува министерката Весна Јаневска да поднесе оставка поради неспособноста да ги обезбеди основните услови за образование. Наместо ветени нови и квалитетни учебници, реалноста е поразителна: учебници нема, а оние што постојат се искинати и неупотребливи. При тоа, признавањето дека учебниците ќе се добиваат преку донации ја креира слика на скандалозна и неодговорна политика. Училиштата, наставниците и учениците заслужуваат функционален образовен систем — време е за одговорност, порачаа од опозициската СДСМ.