Откриено е зошто најпровокативнaта фудбалерка на светот ја чува телохранител за време на ЕП

Швајцарската фудбалерка и ѕвезда на социјалните мрежи,Алиша Леман доби свој телохранител за време на Европското првенство за жени, поради огромната популарност што ја ужива меѓу навивачите на турнирот.

Леманова, која моментално игра за Јувентус, е дел од швајцарската репрезентација која ќе игра четвртфиналето против фаворизираната Шпанија во петок навечер. Иако Швајцарките се аутсајдери, вниманието на медиумите сигурно го привлекува Алисија, која има над 17 милиони следбеници на Инстаграм, што ја прави убедливо најпознатата играчка во тимот – а воедно и најсекси фудбалерка во светот.

Сепак, кога станува збор за улогата на теренот, нејзиното учество на првенството беше симболично – таа одигра само девет минути против Финска и не се очекува да го започне натпреварот против Шпанија.

Со оглед на нејзината популарност и големиот број навивачи кои сакаат селфи или автограм, Швајцарската фудбалска асоцијација потврди дека Леман добила дополнително обезбедување. Портпаролот на репрезентацијата, Свен Микозе, за шведскиот „Афтонбладет“ изјави:

– Безбедноста на играчите е наш приоритет на сите стадиони. УЕФА го организира ова за време на турнирот, а нашиот шеф на обезбедувањето е секогаш присутен. Поради популарноста на Алисија, тој понекогаш дополнително ја придружува за време на контактот со навивачите – истакна Микосе.

Како што објавува германскиот „Билд“, често може да се види „маж во одело“ со Алисија, која се грижи таа да биде безбедна, особено по тренинзите и натпреварите кога навивачите се обидуваат да дојдат до неа.

Надвор од теренот, Алиша редовно споделува моменти со своите следбеници – од разгледување на знаменитости до опуштање со соиграчите, а неодамна објави фотографија со тимот во лежерно издание, што веднаш предизвика бура на мрежите. Исто така, секогаш има и сет провокативни фотографии.