Џејми Оливер бара крадци на чедар сирење! Украле пити вредни 360.000 евра

Познатиот готвач Џејми Оливер денеска ги повика љубителите на сирење да и помогнат на полицијата да ги фати луѓето кои измамиле лондонска млекарница за познатиот англиски и велшки чедар во вредност од 360.000 евра.

Neil’s Yard Dairy, дистрибутер и трговец на мало на британско занаетчиско сирење, испорача 22 тони наградуван чедар врзан за ткаенина на измамник кој се претставуваше како дистрибутер на големо за голем француски трговец на мало.

Лондонската компанија набрзо сфатила дека се работи за измама, пишува Гардијан.

Џејми Оливер ја опиша кражбата на чедар како „дрски грабеж од шокантни размери“ и им порача на следбениците на Инстаграм да внимаваат на секој што го продава сирењето по ниска цена.

Меѓу украдените производи се органскиот чедар Хафод Велшки, чедарот Весткомб и чедарот Пичфорк, кои имаат освоено бројни награди и се меѓу „најбараните занаетчиски сирења во Велика Британија“, објави лондонската млекарница.

Цената на овие сирења за парче од 250 до 300 грама се движи меѓу 9 – 15,5 евра.

„Нилс јард млекарница“ додава дека соработува со полицијата и ги повика трговците да контактираат со нив доколку се сомневаат дека им е продадено украдено сирење.

Сирењето Чедар е, инаку, омилено сирење на многумина. Помалку е познато дека ова сирење помага доколку имате проблеми со срцето, висок крвен притисок или дијабетес.