Антидепресивите ја одземаат и болката, но и чувството на уживање
Антидепресивите го отстрануваат делот од емоционалната болка која луѓето со депресија ја чувствуваат, но за жал, одземаат и дел од чувството на уживање, рече Барбара Сахакиан, професорка по психологија на Универзитетот Кембриџ.
Нова студија откри дека антидепресивите имаат нуспојави кои луѓето можат да ги направат помалку чувствителни на позитивни ситуации.
Според извештајот на „Irishexaminer“, студијата, во која учествуваа 66 доброволци, го испитуваше ефектот на антидепресивите на различни когнитивни карактеристики, како што се „учење со појачување“ и донесување одлуки. На 32 лица им давале антидепресиви во текот на 21 ден, а останатите земале „плацебо“ таблети без медицинска функција.
По процесот, утврдено е дека позитивните или негативните реакции на оние кои користеле антидепресиви се намалиле и дека од нив е побарано да пополнат личен извештај.
Барбара Сахакиан, професорка по психологија на Универзитетот Кембриџ, која го водеше истражувањето, рече дека „емоционалната атрофија“ е вообичаена нуспојава на антидепресивите.
„Антидепресивите го отстрануваат делот од емоционалната болка која луѓето со депресија ја чувствуваат, но за жал, одземаат и дел од чувството на уживање“, рече Сахакиан.
И покрај тоа, некои експерти признаваат негативни ефекти на антидепресивите на кои се укажува во студијата, но наведуваат дека тие лекови се „еден од поефикасните третмани“ кои се користат во борбата против депресијата.
Експертите нагласуваат дека потенцијалните ризици и користи од употребата на антидепресивите можат да варираат од лице до лице и дека користењето на лекови треба да се извршува под контрола на доктори. Студијата е објавена во списанието „Neuropsychopharmacology”.
TRT Balkan / агенции
