(ВИДЕО) Електромобилност: ЕВ патики од 1300 евра

Иако изгледаат како високотехнолошка верзија на ролери од 1950-тите, секој чевел има 10 тркала, а не четири

Замислете ја сцената: треба да одите до продавница зад аголот за да земете млеко и знаете дека нема смисла да одите со автомобил, а исто така не ви се допаѓа да го извадите велосипедот од гаражата. Што да се прави? Едно од решенијата за електрична мобилност е пар електрични Shift Moonwalkers патики од 1.300 евра.

Моторизираните патики беа лансирани минатата година на Kickstarter со цел да соберат 90.000 долари (84.500 евра), но оттогаш собраа повеќе од 329.000 долари (310.000 евра), а првиот пар ќе биде испорачан до донаторите овој месец. Иако изгледаат како високотехнолошка верзија на ролери од 1950-тите, секој чевел има 10 тркала, а не четири.

И за разлика од класичните ролки, тие немаат „слободно тркало“, што значи дека можете брзо да застанете и да одите по скалите. Тркалата се напојуваат со DC мотор кој се потпира на софтвер со вештачка интелигенција за да застане и да стартува синхронизирано со вашите вообичаени движења на одење.

Но, вашата нормална брзина на одење е зголемена за 2,5 пати, што ви дава максимална брзина од околу 11 km/h. Патиките се полнат преку USB-C кабел за 90 минути и обезбедуваат домет од 10 километри.

Shift Robotics, компанија која потроши повеќе од пет години работејќи на нив, тврди дека на просечниот корисник му требаат само 10 чекори за да научи како да ги користи, но откако ќе ги видиме на дело, мислиме дека на просечниот човек ќе му треба многу подолго.