Захарова брутално му одговори на српскиот министер кој бара санкции кон Русија: “Ќе беше подобро да се изјасните против притисокот на САД врз вашата земја”

Српскиот министер за економија Раде Баста има чудно размислување кога вели дека Србија треба да воведе санкции кон Русија, изјави портпаролката на Министерството за надворешни работи на Русија, Марија Захарова.

Некој чуден став: Америка врши притисок врз Србија, а српскиот министер повикува на став против Русија. Можеби би било подобро српскиот министер решително да се изјасни против притисокот врз неговата земја? Русија, за разлика од САД, отсекогаш ги почитувала Србија и нејзиниот народ. И поентата не е само во историската вистина, туку во очигледниот факт: со воведување санкции против Русија, притисокот на САД врз Србија нема да престане, туку само ќе се интензивира – напиша Захарова во каналот на телеграм.

Баста преку соопштение побара Владата на Србија итно да прогласи воведување санкции против Руската Федерација поради, како што наведе, агресија врз Украина.

• Нашата земја веќе плаќа висока цена што не воведува санкции кон Русија, а тоа станува неподносливо. Како министер за економија не можам да прифатам колкав притисок се врши врз претседателот на Србија, Александар Вучиќ, а ние молчиме. Затоа сум за воведување санкции кон Русија, стојам покрај претседателот Вучиќ во одбрана на државните и националните интереси и имам апсолутна доверба во него. Затоа барам од Владата на Србија и од сите министри да се изјаснат по ова прашање – изјави Баста, а јави агенцијата Танјуг.

Како земја која и самата беше соочена со санкции низ историјата и чиј народ претрпе тешки економски последици, не ја донесовме таа одлука бидејќи се надевавме дека конфликтите ќе завршат, дека разумот ќе надвладее и дека двете страни конечно ќе седнат на маса. на преговарачката маса, изјави тој.

• За жал, со текот на времето се соочуваме со нова реалност. На конфликтот не му се гледа крајот, а разумот се чини дека е при крај. Малите земји секогаш страдаат во конфликтот на големите, а поради глобалните превирања, Србија е соочена со огромни притисоци – изјави тој. Според неговите зборови , неопходно е Владата на Србија да заземе единствен став за насоката во која ќе се движи земјата напред.