Кариерата му ја уништија богатството и жените, а сега, сопругата од која се разведува се нафрли по него (ФОТО)
Борис Бекер неодамна беше ослободен од затвор во Велика Британија и депортиран во Германија откако седум и пол месеци беше на топол оброк три пати на ден.
Тој е осуден на 30 месеци затвор за криење на имотот откако прогласил банкрот.
Шарли Керсенберг, која поднесе барање за развод, го критикуваше нејзиниот сопруг дека го запоставил неговото семејство и рече дека ја уништил неговата репутација со затворската казна. Таа за германскиот весник “Билд” изјави:
“Борис може да биде шармантен и полн со љубов кога сака, но може да биде и крајно груб со своите зборови”. Тој е ѓавол. Затворот не го направи Борис подобра личност. Тој живее во свој свет каде што сè се врти околу Борис Бекер”, рече таа.
Таа додаде:
“Не сум јас виновна што отиде во затвор”. Си ја уништи сопствената репутација. На Борис не му е грижа дали ни оди добро или лошо. Имавме искрена љубов. Кога почнав да се еманципирам во бракот, имаше расправии. Исто така, често се расправавме поради лагите на Борис за неговите финансии”.
Керсенберг исто така рече дека Бекер не му се јавил на нивниот син 10 дена откако бил пуштен од затвор за Божиќ.
Манекенката не ја знае ни моменталната адреса на нејзиниот сопруг, што го комплицира случајот за развод бидејќи не е одреден датум за судење.
Нејзиниот адвокат рече дека Бекер не дава никакви веродостојни информации за моменталната состојба на работите.
На прашањето дали сè уште ја сака поранешната тениска ѕвезда, Керсенберг рече:
“Секако дека го сакам, сите го сакаме. Го сака неговата девојка Лилијан. Барбара, неговата прва сопруга го сака. Амадеус го сака”.
Бекер ги има синовите Ноа и Елијас со поранешната сопруга Барбара и ќерката, манекенката Ана, со руската манекенка Ангела Ермакова.
Во 2017 година Бекер прогласи банкрот, а поради оваа ситуација мораше да го покаже целиот свој имот кој тогаш беше проценет на 50 милиони фунти.
Причината поради која банкротирал е долг кон приватните банкари Arbuthnot Latham & Co.
