МОЛДАВСКАТА ПРЕТСЕДАТЕЛКА ИМ ЈА ФРЛИ РАКАВИЦАТА ВО ЛИЦЕ НА ПРОРУСКИТЕ ПАРТИИ: Зошто токму Доријан Речеан е назначен за нов премиер

Претседателката на Молдавија, Маја Санду, во петокот, неколку часа откако премиерката на таа земја, Наталија Гаврилита поднесе оставка поради кризата во соседна Украина, зголемената инфлација и недостатокот на енергетски ресурси, именуваше нов премиер, но како што нагласи таа, проевропски, за да се одржи државата на проевропскиот пат.

Нов премиер на Молдавија е Дорин Речан, истакнат проевропски политичар и советник за национална безбедност. Парламентот на Молдавија, каде партијата на Дорин Санду има удобно мнозинство со 63 од вкупно 101 место, ќе гласа за потврдување на номинацијата следната недела.

Поранешната премиерка во петокот ненадејно и се обрати на јавноста од нејзиниот кабинет во главниот град на државата и рече дека една од причините за нејзината оставка е недовербата во земјата.

Молдавија доби статус на кандидат за Европската унија минатиот јуни, заедно со Украина, но владата се соочи со силен притисок од Москва, која се обиде да го поткопа нејзиниот авторитет.

„Доколку нашата влада ја имаше истата поддршка дома како што ја имавме со нашите европски партнери, би можеле да напредуваме понатаму и побрзо. Молдавија влегува во нова фаза, во која безбедноста е наш приоритет“, додаде Гаврилита.

Владата на Молдавија долго време ја обвинува Русија, која ги базира војниците во отцепениот регион Придњестровје на исток, за поттикнување немири во земјата, вклучително и протести во главниот град Кишињев.

Во интервјуто за Политико минатиот месец, Санду ја обвини Русија дека ја користи енергетската криза и зголемените трошоци за да „донесе нестабилност во Молдавија“, наведувајќи ги руските напори за дезинформација да ги поттикне антивладините чувства.