НЕГОВИОТ ‘ЗЛАТЕН ГРАД’ СТАНА ГРОБНИЦА НА СТОТИЦИ ЛУЃЕ: ОВА е БИЗНИСМЕНОТ кој правел луксузни згради, го фалел нивниот квалитет, а сега се се сруши
Зградите во Хатај, кои сопственикот Мехмет Озкан ги рекламираше како Златен град, се уништени во земјотресот во Турција, при што беа затрупани стотици луѓе.
Мехмет Озкан, сопственикот на „Özkan Kardeşler İnşaat“ е еден од бизнисмените за кои шумолат турските медиуми.
Озкан изгради блокови од згради познати како Златен град Антакија во Хатај, една од областите најмногу погодени од земјотреси во Турција.
Тој ги продал становите во 2017 година, велејќи дека зградите што ги изградил користеле „бетон отпорен на земјотрес Ц-35 и железо тестирано на TSE“.
Тој се фалеше со своите згради, кои сега се гробишта за стотици луѓе, и рече дека тие содржеле теретана и стрелиште.
Озкан, кој е член на Партијата на правдата и развојот (АКП), владејачката партија на турскиот претседател Реџеп Таип Ердоган, беше кандидат за градоначалник на Антакија во 2019 година, но не беше номиниран.
Турските медиуми пишуваат дека Озкан учествувал на конгресите на партијата и рекол дека „луѓето за каузата секогаш му се достапни на газдата“.
Како што може да се заклучи од фотографиите на неговиот Фејсбук профил, Мехмет се чини дека водел луксузен живот, кој наводно го финансирал со пари од изградбата.
Мехмет често патувал во странство и со тоа се фалел на Фејсбук. Меѓу многуте фотографии се и оние од Париз, при посета на будистички храм и многу други места.
Најмногу внимание привлекувале со скапи возила и возење глисер, јавање слонови, а оние со тигри.
На фотографиите се гледа како позира со опасни животни, држејќи ги за опашки, а турските медиуми јавуваат дека ги хранел тигрите во дворот од својата куќа.
Засега не се знае дали и тој е на списокот на лица по кои е распишана потерница.
На социјалните мрежи се споделуваат фотографии од неговата зграда која се урна во земјотресот.
Да потсетиме, турските власти денеска објавија дека се издадени 113 налози за апсење во врска со изградбата на зградите кои се урнаа во земјотресот во понеделникот.
