ОВА Е ДЕВОЈКА (12) КОЈА Е УБИЕНА ПОРАДИ РАСПРАВИЈА НА ТИК-ТОК! Телото искасапено, избодена 32 пати, смислиле се!
Се сомнева дека мотивот зад убиството на девојката од Германија бил расправија на социјалната мрежа Тик-Ток.
Две девојчиња на возраст од 12 и 13 години го признаа убиството на 12-годишното девојче Луиза, кое во неделата беше пронајдено мртво во близина на нејзиниот дом во сојузната покраина Пораиња-Фалачка, соопшти полицијата. „По првото испрашување девојките дадоа спротивставени изјави, а по второто испрашување го признаа делото“, изјави портпаролката на полицијата во Кобленц. Луиз била избодена 32 пати, а полицијата се уште трага по оружјето со кое се извршило злосторството.
Државниот обвинител Марио Манвејлер објасни дека двете девојчиња не се кривично одговорни поради нивната возраст. „Ова не значи дека ништо нема да им се случи. Тие се во рацете на центарот за социјална работа“, рече Манвејлер. Државниот обвинител рече дека се работи за „посебен кривично дело“.
Дванаесетгодишната Луиз беше пронајдена во неделата наутро во близина на нејзиниот дом, токму на границата меѓу сојузните покраини Рајнска област-Пфалц и Северна Рајна-Вестфалија, на запад од Германија. Домот на убиената се наоѓа во сојузната покраина Северна Рајна-Вестфалија. Најпрво се сомневаше за сексуален напад, но обдукцијата не ги потврди овие сомнежи. Луиз исчезнала во саботата додека се враќала дома од куќата на пријател. Била пријавена за исчезната бидејќи не дошла дома, а не се јавила ниту на својот мобилен телефон . Беше започната потрага во која учествуваа поголем број полициски службеници. Нејзиното тело беше пронајдено во неделата во шумата во близина на железничкиот тунел.
„Мотивот е расправија на Тик-Ток“
Како што дознава Фокус онлајн, мотивот за убиството е одмазда. Наводно три девојки се скарале на Тик-Ток. Наводно, жртвата се потсмевала на една од двете девојки кои ја убиле. На кој начин останува нејасно. Шпигел пишува дека Луиз е таа што доживеала мобинг. Убијците се отстранети од нивните семејства и се под надзор на младинските служби.
Шпигел, исто така, пишува дека откако ја убиле Луиз, девојките отишле дома и ги повикале нејзините родители и се преправале дека не знаат каде е и дека се загрижени за неа. Информациите за пребарувањето ги споделија на социјалните мрежи.
