ПРОДОЛЖУВА АФЕРАТА СО КИНЕСКИТЕ БАЛОНИ: По САД и Канада, забележан е уште еден над Јужна Америка!
Сеништето на кинески балони, без разлика дали се набљудувачки, шпионски или метеоролошки, сè уште кружи низ светот. Како што објави британски Гардијан додека првиот ја продолжува својата турнеја низ САД, вториот таков балон наводно бил забележан над Јужна Америка.
„Имаме извештаи за балон кој лета над Латинска Америка“, рече портпаролот на Пентагон, Пет Рајдер, додавајќи:
„Сега проценуваме дали тоа е уште еден кинески балон за набљудување.
Пентагон за американските медиуми не ја прецизираше точната локација на балонот, но неименуван функционер од Министерството за одбрана изјави дека тој не се движи кон САД.
Според засега непотврдени информации, балонот бил виден над Костарика, а подоцна и над Венецуела.
Американскиот државен секретар Ентони Блинкен ја одложи посетата на Кина откако кинески балон на голема височина се урна во воздушниот простор на САД.
Во петокот во Јужна Кореја, Блинкен рече дека разговарал со Ванг Ји, највисокиот кинески дипломат, и „јасно ставил до знаење дека присуството на овој набљудувачки балон во воздушниот простор на САД е јасно кршење на суверенитетот на САД и меѓународното право“.
Блинкен, сепак, рече дека му рекол на Ванг дека „САД се посветени на дипломатски ангажман со Кина и планираат да го посетат Пекинг кога ќе дозволат условите“.
„Првиот чекор е да ја извадиме оваа алатка за надзор од нашиот воздушен простор. Тоа е она на што сме фокусирани“, им рече тој на новинарите.
Каналите за комуникација останаа отворени меѓу двете земји, изјави портпаролот на Стејт департментот, нагласувајќи дека патувањето само е одложено, а не и откажано.
Блинкен ќе биде првиот американски државен секретар што ќе ја посети Кина од октомври 2018 година, што сигнализира затоплување по периодот на триење под поранешниот претседател Доналд Трамп.
Кина се извини за присуството на авионот во воздушниот простор на САД, тврдејќи дека станува збор за метеоролошки балон кој се оддалечил од постојната рута, но американските власти јасно ставија до знаење дека не веруваат во тоа објаснување.
