Путин се потпира на две стратегии а и двете значат пекол за Киев: Скриената порака зад бруталниот напад на Русија врз Украина (ФОТО)
Во четвртокот, за време на брутален напад на украинска територија, Русија употреби разурнувачки ракети Кh-22 и Кh-47 или Кинжал, против кои Киев, барем во моментов, нема способност да се одбрани.
Покрај јасната руска порака дека Москва не бега од бруталност, овие напади имаат уште една, далеку поважна симболика. Имено, овие проектили, способни да носат нуклеарни боеви глави, Русија ги чувала за новата фаза од војната – која очигледно сега започна.
Фактот дека Кинжал бил користен за време на нападот првично го откри украинската страна, која наведе дека Русите истрелале вкупно 81 различни проектили, а во нападот биле користени Кh-22 и Кh-47 „Кинжал“.
Оваа информација многу медиуми ја отфрлија како непроверена. Сепак, набрзо пристигна соопштение од руското Министерство за одбрана, кое ги потврди наводите на украинската страна.
„Руските вооружени сили извршија масовен одмазднички ракетен напад врз воената инфраструктура на Украина како одговор на терористичкиот напад во областа Брјанск. Засегнати се клучните елементи на украинската воена инфраструктура, компаниите на воено-индустрискиот комплекс, како и енергетските капацитети што ги обезбедуваат“, соопшти Министерството.
Москва го потврди влегувањето во нова фаза од војната?
Според сите пресметки, со ова признание Русија јасно укажа дека ја менува својата воена стратегија, поточно, военото оружје што го користи.
Тоа го поткрепува и фактот што Русија само двапати користела ракети Кинжал, иако има вкупно 43 од нив.
Ова неодамна го призна рускиот министер за одбрана Сергеј Шојгу, кој рече дека ова оружје било употребено двапати на 19 март 2022 година, кога со овој проектил бил уништен воен магацин во областа Ивано-Франковск.
Ниту ракетите Kh-22 не се користеа често. Според неофицијални податоци, нивната употреба е забележана само три пати.
Имено, тие беа употребени за време на нападот на трговскиот центар Кременчук, при што загинаа најмалку 21 лице, а најмалку 59 беа повредени.
Исто така во септември, се појавија информации дека Русија лансирала најмалку седум ракети Кh-22 кон различни хидраулични објекти во Криви Рих, вклучително и блиската брана.
Конечно, овие ракети беа употребени на 14 јануари 2023 година, за време на нападот на Днепар кога се урна деветкатна зграда, по што следеше голем пожар. Во нападот загинаа најмалку 44 цивили, а 73 од нив беа ранети.
Сепак, употребата на смртоносно оружје не е единственото нешто на кое смета Путин. Според анализата која неодамна ја објави Њујорк Тајмс, Путин се потпира на уште две стратегии.
Прво, Русија е многу поголема земја, со многу повеќе ресурси, од Украина. Второ, исходот од војната е поважен за Украина и Русија отколку за странските сојузници на Украина. Тој јаз на крајот може да доведе до тоа украинските сојузници да го забават снабдувањето со клучните оружја и опрема.
Според американскиот весник, стратегијата на Путин е да го чека Западот, а потоа повторно да заземе толку многу територија и да убие толку многу Украинци што ќе бидат принудени да преговараат за крајот на војната од позиција на слабост и дека владата на Володимир Зеленски на крајот ќе падне.
Досега Западот во голема мера остана обединет околу Украина. Најновиот знак за поддршка – модерни тенкови што САД, Велика Британија и Германија се согласија да ги снабдуваат. Сепак, како што забележува Тајмс, постојат причини да се прашуваме колку долго ќе трае поддршката?
