Се огласи и директорката на училиштето „Владислав Рибникар“: Ова се нејзините први зборови по масовното убиство

За првпат Снежана Кнежевиќ, директорката на ОУ „Владислав Рибникар“, каде имаше масовно пукање, кога ученик од седмо одделение (13) уби осум ученици и чувар, а рани уште шест негови другари и професор по историја, даде изјава.

– Знам дека должност на секој што е на чело на јавна институција е да комуницира со медиумите, а особено сега да им се обрати, но ние сме во ситуација во која никој досега не бил – рече Кнежевиќ.

Директорката на ОУ „Владислав Рибникар“ објасни дека како и досега се води од моралот и дека сака достоинствено да завршат сите процеси во оваа посебна ситуација.

Најпрвин сакала, да ги испрати сите починати деца во вечното почивалиште, како и чуварот на тоа училиште и да ја следи состојбата на останатите ученици и наставничката кои беа ранети во овој масакр, па после да даде изјава.

– По ваквите настани немав време да се занимавам со невистините што се појавија во медиумите – истакнува Снежена и додава дека најмногу се занимавала со процесот во кој сите во училиштето се обидуваат да најдат решение на најдобар можен начин и да им пружат помош на децата.

Снежана Кнежевиќ уште еднаш побара од медиумите да бидат трпеливи и смирени и и порача дека навремено ќе одговори на сите прашања.