СКАНДАЛ ВО СЛОВЕНИЈА! Учениците вакцинирани со ПОГРЕШНА вакцина против тетанус сега се повикуваат да ја примат „вистинската“

Здравствениот дом во Словенска Бистрица денеска соопшти дека минатата есен по грешка била дадена погрешна вакцина против тетанус на група ученици кои дошле на систематски преглед.

Грешката е откриена дури неодамна, а наместо активната вакцина која трае до 10 години, учениците добија пасивна заштита од тетанус инфекција која трае само неколку месеци, пренесува порталот 24ур.

Според извештаите, грешката нема никакви последици за примателите на вакцини.

„По внимателно испитување и анализи дојдовме до заклучок дека инцидентот нема никакви последици по здравјето на луѓето. Се извинуваме за инцидентот“, објасни директорката на Здравствениот дом Бистрица, Уршка Седмак.

За грешката е известена Националниот институт за јавно здравје (НИЈЗ), Министерството за здравство и сите надлежни институции.

Според упатството на НИЈЗ, и покрај добиената доза, учениците мора да ја примат и соодветната доза од вакцината против тетанус, предвидена во годишната програма за вакцинација.

Според извештаите, учениците се поканети да се вакцинираат следната недела.