Совршеното лице зад монструозниот проект: Путин штом ја видел знаел зошто му е потребна!
Коментирајќи ги обвинувањата на Меѓународниот кривичен суд за киднапирање деца, таа рече дека „сака меѓународна грижа за децата“.
Сопруга на руски православен свештеник, мајка на пет биолошки и осумнаесет посвоени деца, убава русокоса со брановидна коса верна на идеалот за Русија… Рускиот претседател Владимир Путин веднаш штом ја видел знаел дека Марија Лвова Белова е токму она што му требаше.
Неколку месеци пред инвазијата на Украина, Путин ја призна и ја назначи младата провинциска политичарка за претседателски советник за правата на децата. Му требаше, пишува Телеграф , „вистински верник“, но и некој што ќе го спроведе монструозниот план за киднапирање на илјадници украински деца и нивно преместување во Русија за тие да станат Руси.
Посвои дете од Мариупол
Таа, со каење, како што и доликува, ја прифати тешката задача и оттогаш стана своевидна Руска Мајка Тереза (иако е богохулно да се споредуваат), односно „Мајка Русија“, станувајќи препознаена во земјата како симбол на хуманоста, грижа за украинските сиромашни, ѕвезда на телевизиските преноси, весниците и социјалните мрежи. Она што светот го виде и сè уште го гледа како застрашувачки обид за етноцид и „рушење“ на украинските деца, Белова со нежен израз и насмевка го прикажа како хуманитарна, спасувачка мисија. На крајот на краиштата, таа самата е мајка на пет деца, а посвои уште осумнаесет.
На ТВ Звезда, рускиот воен телевизиски канал, таа се појави речиси во солзи, трогната од еден од нејзините „успеси“.
– Настја од Доњецк е едно од децата што ги спасивме и и најдовме згрижувачки родители. Сега е дел од големо семејство и има мачка за која отсекогаш сонувала и ја обожава – изјавила таа.
Пред неколку недели беше снимена нејзината средба и разговор со Путин. Таа поцрвене и скромно се насмевна, признавајќи дека и самата посвоила дете, момче со прекар Филип во медиумите , од Мариупол, град кој беше срамнет со земја од руските сили уште во март 2022 година, набргу по почетокот на инвазијата.
– Сега знам како е да се биде мајка на момче од Мариупол. Тоа е напорна работа, но ние се сакаме – изјави таа.
Путин кимна со главата во знак на одобрување.
– Тоа е најважно, тоа е поентата на се – гордо рече тој.
Белова е родена и израсната во Пенза, град во централна Русија. Работела како професорка по гитара додека не решила да заплива во локалните политички води. Таа брзо напредуваше, привлекувајќи ги погледите на сè повлијателните политичари, достигнувајќи го самиот врв на руската влада, Кремљ.
Секогаш беспрекорно облечена
Оттогаш таа на Инстаграм и на другите мрежи објавува свои фотографии, секогаш беспрекорно облечена, пристојно, традиционално, во нежни и убави фустани – вистинска икона на Путинова Русија. Често можете да ја сретнете во друштво на Путин, за време на неговите говори и митинзи, а со негова поддршка дојде до ситуација да носи одлуки за спроведување на планот без никој да може да и се спротивстави. Таа е и една од најпознатите личности во Русија, а Телеграф пишува дека е невозможно да не се забележи како ја поправа косата пред да се фотографира со друго „спасувано“ украинско дете чии очи врескаат од страв.
Снимено е дека учествувала во неколку такви акции на префрлање на украински деца во Русија, а сака и да се фотографира со руски војници, па минатото лето на Телеграм објавила фотографија на која позира со четворица руски војници вооружени со митралези. Таа беше до нив, облечена во црн фустан со струк без ракави, кој го стисна со црн кожен ремен за да ја истакне својата беспрекорна фигура.
Ги коментираше меѓународните обвинувања
– Денеска сите заедно ја браниме Татковината, со нашите зборови, дела и молитви, на секој начин можеме да придонесеме да осамне денот кога нашето небо, кога нашите браќа ќе бидат слободно и мирно – рече тогаш таа.
Во петокот, новинарите побараа од неа да ги коментира обвиненијата на Меѓународниот кривичен суд, кој издаде налог за нејзино апсење.
– Драго ми е што меѓународната заедница ја цени нашата работа со децата. Особено е убаво што можам да бидам во ист тим со рускиот претседател Владимир Путин – рече таа, пишува Телеграф .
