Столтенберг жали што Русија го прекинува учеството во договорот за нуклеарно оружје
Генералниот секретар на НАТО, Јенс Столтенберг денеска изјави дека жали поради одлуката на Русија да го прекине своето учество во договорот „Нов СТАРТ“ за контрола на стратешкото офанзивно оружје.
„Во текот на последните години, Русија ги прекрши клучните договори за контрола на оружјето и се оддалечи од нив. Силно ја охрабрувам Русија да ја преиспита својата одлука и да ги почитува постоечките договори“, рече Столтенберг говорејќи во седиштето на НАТО во Брисел.
