Тешки денови за југословенската легендата кој тврди дека Хрватите треба да му го бакнуваат задникот: “Снаата ме избрка од станот!”

Легендата се наоѓа во проблеми кои се далеку од кошаркарскиот терен

Зоран Мока Славниќ е кошаркарски легенда на поранешна Југославија. По богатата играчка кариера се пресели на тренерската клупа каде имаше многу успеси. Колку беше почитуван како тренер доволно говори и фактот што Дино Раѓа го спомна во својот говор при влегувањето во куќата на славните во 2018 година, пишува Слободна Далмација .

“Инаку, Мока беше прилично мек и опуштен. Секој ден играше кошарка со нас. Мамеше, крадеше, лажеше за резултатот и никој не можеше да го добие. И тука се учи многу а не си ни свесен за тоа. И за тоа, благодарам за се голем Мока“, напишал Раѓа за Славниќ.

Сепак, сега легендата се најде во неволја далеку од кошаркарскиот терен. Имено, неговиот син Звездан Славниќ бил еден од натпреварувачите во контроверзното српско шоу „Задруга“. Таму ја запознал Анѓела Ѓуричиќ , неговата сегашна девојка, а потоа се тргнало на лошо за Мока…

По напуштањето на имотот каде се снимало шоуто, парот дошол да живее во станот на Зоран Славниќ во Нов Белград. Легендарниот кошаркар им обезбеди „покрив над глава“, а синот и девојката сакаат да му се заблагодарат на најлош можен начин. Поточно, Анѓела, која бара таткото на нејзината „посилна половина“ да се исели од станот.

Имено, Анѓела наводно не можела да го трпи Мока и веќе неколку пати успеала да се скара со него. Го натерала Звездан да го напушти станот ако наскоро не си го избрка татко си.

Поранешниот кошаркар даде интересна изјава пред неговиот син да влезе во Задруга.

-Му реков да оди да ги земе парите на чесен начин, се разбира, тоа беше кажано на шега. Слатко се насмеавме. За да влезеш во „Задруга“, треба да си посебен вид на луѓе. Нема да опишам каков вид е тоа, бидејќи сето тоа го гледаме.

Сепак, ова не е прв доказ дека Мока има проблематичен син. Имено, во март 2002 година, Звездан со пиштол убил млад човек пред белградскиот клуб.

– Звездан се исплашил дека момчето ќе му се одмазди и сакал да го удри Оливер со раката во која го држел пиштолот, но прстот му се лизнал и кон младиот човек бил испукан куршум. Без никаква намера тоа го направи во самоодбрана – објасни Мока Славниќ.

Звездан е осуден на девет и пол години за убиство, но казната што ја одлежа во КПУ Ваљево му е намалена на осум. Но, проблемите не завршија ниту тука, бидејќи во 2017 година, заедно со четворица „пинк пантери“, повторно завршил „во лисици“ поради сомнение дека учествувал во грабеж од 1,3 милиони евра во Германија, од каде неодамна се вратил.

Наместо да биде во центарот на спортските случувања, кошаркарската легенда се најде во „српските ријалити“. Во 2013 година Мока реагираше на оценките од хрватските кошаркарски кругови дека Тони Кукоч требало да влезе во куќата на славните пред него, притоа не бираше зборови.

– Хрватите треба да ми го бакнуваат задникот затоа што направив повеќе за нивната кошарка отколку сите заедно. Па јас ги направив Дражен (Петровиќ), Раѓа, Кукоч. Сите тие се мои деца, изјавил Зоран Славниќ.