ТРАГЕДИЈА: Девојче загинало од струен удар на железничката станица „Илинден“
Малолетно девојче изгорело од струен удар, потврди Sвонко Томевски, командант на Бригадата за противпожарна заштита на Скопје. Тој изјави дека вечерва интервенирале на железничката станица во Илинден со две возила и седуммина пожарникари. Според очевидци девојчето загинало од струен удар од електричната инсталација за возовите, откако со момче било качено на вагонот – цистерна полна со гориво.
Градоначалникот на Општина Илинден Александар Георгиевски во изјава за Телевизија 24, вчеравечер изјави дека според информациите што ги добил од МВР и ПП бригада до несреќата во која почина малолетно девојче дошло откако група малолетници самоиницијативно, најверојатно од забава и несвесно се качувале на паркиран вагон во близина на ЖСТ Илинден.
