Вие имате прво да ја знаете вистината

Состојбата во Делхи алармантна: затворени се сите училишта, граѓаните се „гушат“ во токсичен чад!

Властите во индиската престолнина, Делхи ги затворија сите училишта и колеџи на неодредено време поради влошувањето на нивото на загаденоста на воздухот. Забранети се и градежните активности до 21 ноември, со исклучок на проектите поврзани со сообраќајот односно инфраструктурата. Затворени се и неколку електрани на јаглен, па моментално лицеенци за работа имаат само пет од вкупно 11.  Токсичен чад го задушува Делхи.

Нивоата на ПМ2,5, ситните честички кои можат да ги оштетат белите дробови, во Делхи се далеку над нивоата наведени во безбедносните упатства на Светската здравствена организација.  Во повеќе делови од градот во вторникот се забележани бројки близу или повеќе од 400, што е во категоријата тешко загадување. Бројките помеѓу 0 и 50 се сметаат за добри, а помеѓу 51 и 100 како задоволителни, според Индексот за квалитет на воздухот (AQI).

Мешавина од фактори како што се испарувањето од возилата и индустријата, прашината и временските услови придонесоа Делхи да стане најзагадениот главен град во светот. Воздухот станува особено токсичен во зимските месеци бидејќи земјоделците во соседните држави ги палат стрништата.

Огнометот за време на фестивалот Дивали, кој се одржува во исто време, дополнително го влошува квалитетот на воздухот.  Поради слабиот ветер, загадувањето се задржува во долните слоеви на атмосферата.

Зачленете се и ќе добивате екслузивни вести од нашиот портал!