Ова е новата девојка која е Мис на Америка (фото)

Ел Смит, Мис Кентаки, беше крунисана за Мис на Соединетите Американски Држави. Ел има 23 години и е новинар од Кентаки. Изборот за Мис на САД се одржа во склоп на одмаралиштето во казино Ривер Спирит во Тулса, Оклахома.

Круната ѝ ја врачи минатогодишната победничка на Мис, Асија Бранч. Ел ќе се натпреварува на изборот за Мис Универзум во Израел на 12 декември. 

Додека одговараше на прашањата, Ел откри дека нејзината најважна основна вредност е искреноста. Таа зборуваше и за одржливоста и охрабрувањето на компаниите да бидат посвесни за животната средина и чиста околина. 

Мораме да го гледаме тоа на макро и микро ниво. Така, на макро ниво, компаниите мора да се префрлат на зелена енергија и мислам дека тоа е нешто за што сите ќе се согласиме. На микро ниво, сите знаеме како да се намали отпадот, повторно да се користи и да се рециклира. Тоа е она што можеме да го имплементираме во секојдневниот живот, изјави Ел Смит. 

Ел дипломирала телевизиско новинарство во мај 2020 година. Таа моментално работи како новинарка во WHAS, подружница на ABC во Луисвил, Кентаки.