Вие имате прво да ја знаете вистината

Интимна исповед на депресивниот принц Вилијам: Сведок сум на сцени од тешка несреќа, оттогаш не сум ист човек!

Принцот Вилијам (39) откри дека страдал од анксиозност и депресија откако бил сведок на последици од страшна сообраќајна несреќа. Тој паднал во криза откако работел како пилот на хеликоптер во службата за брза помош за да помогне да се спаси животот на тешко повредено момче, кое во тоа време беше само неколку години постаро од неговиот син, принцот Џорџ. Британските медиуми пишуваат дека идниот британски крал во овој случај мислел на тешката сообраќајна несреќа во која тогаш на петгодишниот Боби Хјуз му бил оштетен мозокот.

Кога стигнавме на местото на несреќата, имавме само една мисла на ум – како да му помогнеме на ова момче. Неговите родители беа хистерични, како што можете да замислите, врескаа, плачеа, беа во вистинска агонија. И тие последици живееат со тебе. Таа вечер отидов дома прилично вознемирен. Не плачев, но почувствував дека нешто се смени во мене – почувствував како во мене расте еден вид напнатост. Беше толку болно за мене, како цел свет да умира, кажува принцот Вилијам.

Како што одминуваа неделите, мојот очај само се засилуваше. Вие само ја чувствувате сечија болка, сечие страдање. И тоа не сум јас, никогаш порано не сум го почувствувал тоа… Личниот живот ми беше во ред, се околу мене беше во ред. Бев среќен дома и на работа, но во исто време постојано се гледав себеси прашувајќи се: Зошто се чувствувам вака ? Зошто се чувствувам толку тажно?’ И почнав да сфаќам дека траумата и тагата на сите луѓе всушност ги носам дома, а сето тоа влијае на еден маж, додава принцот.

Разговорот со колегите и средбата со семејството на момчето ми помогна да ги победам моите демони со текот на времето, призна Вилијам во подкастот што ќе се емитува во понеделник на британските медиуми.

Трогателниот разговор со престолонаследникот наречен – Принц Вилијам: Време за прошетка, трае 38 минути и е снимен во февруари како дел од аудио серијата на Apple во која познатите личности ги споделуваат своите интимни спомени со јавноста. За оваа епизода, Apple направи шестцифрена донација на три добротворни организации избрани лично од Вилијам, имено Shout (Велика Британија), Crisis Text Line (САД) и Lifeline (Австралија).

Навистина не можете често да слушате вакво интервју. Тоа е длабок и значаен приказ на војводата од Кембриџ, не само како член на кралското семејство, туку и како личност – изјавија кралски извори во саботата навечер.

Да потсетиме, момчето Боби за кое зборуваше Вилијам во март 2017 година беше удрен од возач кој во тоа време посетувал автошкола. Момчето си играло со пријателите пред својата куќа во Сафран Валден, кога возачот, гледајќи мало дете на патот, случајно притиснал гас наместо кочница.

По несреќата, принцот останал во контакт со сега веќе десетгодишното момче и неговото семејство. На неговите родители, кои ја напуштиле работата за да се грижат за нивниот син, тој им се обратил три недели по несреќата: Сакам да знаете дека мислам за вас. Како татко, можам да ја разберам вашата болка, но вашиот син е во најдобри раце, тие работат со него, тие се фантастични луѓе… Сигурен сум дека ќе биде подобар. Се што можам да направам за вас, не двоумете се да ме прашате, се што му треба за рехабилитација на Боби, тука сум.

Дополнително во саботата вечерта се јавила и мајката на момчето што го спасил принцот.

Вилијам ни кажа како сето тоа влијаело на него како татко и како ја чувствувал нашата болка. Неверојатен е, има добро срце, прекрасен човек… Исклучително сум горда што еден ден ќе можам да го наречам мој крал – заклучила Карли Хјуз (40).

Зачленете се и ќе добивате екслузивни вести од нашиот портал!