Вие имате прво да ја знаете вистината

Лоши прогнози за компромис меѓу Бајден и Путин за Украина: „Односите меѓу двете земји се во тажна состојба“

Американскиот претседател Џо Бајден и рускиот претседател Владимир Путин на виртуелна средба во вторник ќе се обидат да ја надминат големата меѓусебна недоверба, која, според мислењето на САД, е загрозена од можна руска инвазија на Украина.

Кремљ соопшти дека односите меѓу двете земји пред средбата се „во тажна состојба“.

Вашингтон ја обвинува Русија дека распоредува воени сили во близина на границата со Украина за да ја заплаши, сугерирајќи дека може да го повтори сценариото од 2014 година кога го анектираше Крим. Уште дополнително предупредува дека доколку го стори тоа,Западот е подготвен да одговори со строги санкции.

Кремљ негира дека подготвува инвазија и тврди дека ги движи силите низ својата територија исклучиво за одбранбени цели.

Москва се противи на приемот на Украина во НАТО и предупредува дека потенцијалното распоредување на ракети на НАТО во Украина е „црвена линија“ што таа нема да ја дозволи.

Путин бара правно обврзувачки безбедносни гаранции дека НАТО повеќе нема да се шири на исток или да го распоредува своето оружје во близина на руска територија.

Вашингтон ветува дека ниту една земја нема да стави вето на приемот на Украина во НАТО. Но, пред тоа се очекува Киев да спроведе реформи и да се бори против корупцијата.

„Не прифаќам ничии црвени линии“, рече Бајден во петокот.

Андреј Кортунов, претседател на рускиот совет за надворешни работи, кој е близок до Министерството за надворешни работи, рече дека двете страни веројатно нема да се помират.

„Единственото нешто за кое веројатно можам да се согласам, ако е добар разговорот, е дека сите вклучени директно или индиректно таму треба да покажат воздржаност и посветеност на деескалација. Но, во спротивно, не гледам како Бајден може да му вети на Путин дека НАТО нема да се прошири кон исток“.

Портпаролот на Советот за национална безбедност на САД рече дека Вашингтон сака да спречи криза и негативна ескалација во пошироките односи преку дипломатија и деескалација.

Некои руски и американски аналитичари веруваат дека двајцата лидери би можеле да се договорат за почеток на преговори за деескалација, а Кремљ јасно стави до знаење дека сака нов самит следната година.

Иако американските власти велат дека не знаат какви се намерите на Путин во врска со Украина, еден претставник на администрацијата на Бајден рече дека САД веруваат дека една од опциите што се разгледува е воена офанзива уште во 2022 година со 175.000 војници, оклопни возила и артилерија.

Соединетите Американски Држави проценуваат дека половина од овие сили се веќе во близина на украинската граница.

Соединетите Држави минатата недела понудија да посредуваат меѓу Русија и Украина за ставање крај на седумгодишната војна на истокот од земјата врз основа на договорот од Минск. Рускиот министер за надворешни работи Сергеј Лавров изјави дека Москва во принцип нема ништо против.

Но, Владимир Фролов, аналитичар за надворешна политика и поранешен руски дипломат во Соединетите држави, рече дека вмешаноста на Вашингтон во процесот ќе изгледа како пораз за Москва. Тој, исто така, не верува дека Путин би се согласил со нејасното ветување за преговори за идната безбедносна архитектура на Европа.

„Со барањето за правно обврзувачки гаранции, Москва го стесни просторот за маневрирање на нејзината дипломатија, што на некој начин ви кажува дека навистина не се обложува дека дипломатијата ќе успее“, рече тој.

Зачленете се и ќе добивате екслузивни вести од нашиот портал!