Вие имате прво да ја знаете вистината

Истражување: Згаснаа речиси половина од авганистанските медиуми

Авганистанските медиуми се на работ на колапс бидејќи имаат проблем со финансирањето откако талибанците ја презедоа власта во август оваа година. Истражување на Новинари без граници (РСФ) и Здружението на авганистански независни новинари (АИА) покажа дека околу 43 отсто од авганистанските медиуми престанале да работат, оставајќи речиси 60 отсто од новинарите без работа.

Студијата заклучува дека талибанците радикално ја промениле медиумската слика во земјата. На почетокот на летото во Авганистан беа активни 543 медиуми, а до крајот на ноември останаа само 312.

Вкупно 231 медиум се затворени од средината на август, оставајќи 6.400 новинари без работа. Една од главните причини за тоа е економската криза и ограничувањата наметнати од талибанската влада.

Жените во медиумите беа особено погодени, при што 84 отсто ги загубија своите работни места по доаѓањето на талибанците на власт, во споредба со 52 отсто од мажите. Но, жените сепак останаа на телевизија. Најпопуларната телевизија во земјата, ТОЛО, продолжува да вработува жени кои се појавуваат на малите екрани. Медиумите мора да ги почитуваат „11-те правила на новинарството“ издадени од талибанското Министерство за информации и култура. Тие ја отворија вратата за цензура и прогон и губење на независното новинарство.

Авганистан се соочува со целосен економски колапс, укинување на меѓународната помош и зголемен глад. Ситуацијата се влоши со замрзнувањето на милијарди долари државни пари, главно во САД.

Зачленете се и ќе добивате екслузивни вести од нашиот портал!