Вие имате прво да ја знаете вистината

Израелската армија повторно го ракетираше сириското пристаниште Латакија

Израелски ракети истрелани од Средоземното море го погодија сириското пристаниште Латакија и предизвикаа пожар на контејнерскиот терминал, јавија сириските државни медиуми.

Ова е втор напад во декември.

Сириската новинска агенција САНА јави дека пожарот предизвикал голема штета и дека пожарникарите се бореле со пламените јазици речиси еден час.

Нема информации за евентуални жртви од ракетните напади што ја активираа сириската воздушна одбрана.

Сличен напад се случи и на 7 декември кога израелски борбени авиони гаѓаа терминал со контејнери и предизвикаа пожар и експлозија.

Израелската армија не го коментираше последниот напад.

Израел изврши стотици воздушни напади врз цели во деловите на Сирија под контрола на владата во Дамаск за време на 10-годишната граѓанска војна и ретко презема одговорност за таквите операции.

Претходно цел на нападот беше аеродромот во сириската престолнина Дамаск.

Зачленете се и ќе добивате екслузивни вести од нашиот портал!