Вие имате прво да ја знаете вистината

Шеиците влегуваат во Интер, на маса ќе стават една милијарда долари, Бин Салман нема да штеди пари!?

Актуелниот шампион на Италија, Интер ќе добие нов сопственик во 2022 година, а клубот од Милано наводно ќе го купи ПИФ (Фонд за јавни инвестиции), кој е под контрола на саудискиот принц Мохамед бин Салман, за една милијарда долари.

Оваа информација ја објави специјализираниот бизнис портал International Business Times, а наведуваат дека Инвестицискиот фонд од Саудиска Арабија ќе го купи Интер за милијарда долари и со тоа ќе стане мнозински сопственик на акции.

Очигледно, тоа значи дека Интер во иднина ќе стане еден од економски најмоќните клубови во светот и ќе биде рамо до рамо со ПСЖ и Манчестер Сити, фудбалски клубови управувани од богати шеици од Катар и Обединетите Арапски Емирати.

Преговарачката група на оваа компанија со месеци работи на купување на Интер од кинеската групација Сунинг. Веќе неколку месеци луѓе блиски до Салман собираат документација и прават калкулации за инвестирање во Интер.


Нероаѕурите во последните години имаа многу финансиски проблеми. Поради недостиг на средства, тренерот Антонио Конте го напушти тимот во текот на летото, а најголемата ѕвезда Ромелу Лукаку беше продадена за рекордна сума. Од клубот си замина и Хакими и на тој начин тие заработија 200 милиони евра.

Сепак, за нивна среќа на клупата го доведоа одличниот Симоне Инзаги, а со него дојде и Един Џеко, па на крајот од 2021 година Интер е лидер во Серија А со четири бода повеќе од Милан и обезбеди пласман во осминафиналето на Лигата на шампионите.

Се наведува дека арапските сопственици пред се гледаат на можна инвестиција во новиот стадион на Интер, но и дека иднината ја гледаат во италијанскиот фудбал, кој по англискиот премиершип е најпопуларен во Европа.

Зачленете се и ќе добивате екслузивни вести од нашиот портал!