Вие имате прво да ја знаете вистината

Најбогатиот боксер се враќа во рингот: Егзибиција во дубаи на висина од 210 метри, противникот повторно доаѓа од јутјуб?

Еден од најбогатите боксери во светот, но и спортисти воопшто, Флојд Мејведер Јуниор (44) најави враќање во рингот.

Сепак, на егзибиција и на едно крајно необично, но многу атрактивно место. На врвот, односно хелиодромот на ексклузивниот хотел Бурџ Ал Араб во Дубаи, на височина од 210 метри!

Борбата треба да се одржи на 20 февруари годинава, неколку дена пред 45-от роденден на Флојд, а само една ситница сè уште не е договорена – против кого воопшто ќе се бори Мејведер!? Во боксерските страници се споменува целосно анонимниот Рашид Белхас. Имено, станува збор за т.н Јутјуб боксер од Дубаи со „уметничко име“ Мани Кикс, кој ја имаше привилегијата и честа да биде домаќин на познатиот американски боксер во својата татковина.

Во последно време се повеќе има вакви боксери на YouTube. Конечно, во последната егзибициска борба на Мејведер минатиот јули, противник на Флојд беше Јутјуберот Логан Пол.

Инаку, хелиодромот на хотелот Бурџ Ал Араб во Дубаи веќе беше домаќин на познат боксер. Поранешниот светски шампион во тешка категорија Ентони Џошуа еднаш одржа промотивен тренинг, а на истото место се одржа и тениски натпревар: Роџер Федерер – Андре Агаси.

– Тоа ќе биде строго ограничен боксерски спектакл. Многу повеќе од бокс. Таму нема многу простор за публиката, па ако сте таму, тогаш сте многу, многу посебни – изјави Флојд Мејведер.

Како професионален боксер постигна импресивен скор: 50 меча, сите победи, 27 со нокаут, а беше и светски шампион во перо, супер перо, лесна, полусредна, полусредна и полутешка категорија. Последниот натпреварувачки меч го имаше против дебитантот во боксот, но и светска ѕвезда, Ирецот Конор Мекгрегор, кога во десеттата рунда со технички нокаут го порази во Лас Вегас во „мечот на милениумот“.

Зачленете се и ќе добивате екслузивни вести од нашиот портал!