Овај народ има најголемо лично богатство во Европа: „Расте јазот меѓу богатите и сиромашните“
Германците имаат најмногу лично богатство во Европа, покажува швајцарската студија објавена утрово.
Личното богатство на Германците се проценува на околу 16,4 трилиони евра, а втора на листата е Франција со 12,6 трилиони евра.
Обединетото Кралство и Италија имаат по 10 трилиони, според податоците на тинк-танкот Redesigning Financial Services (RSH) од Цирих.
Личното богатство се зголеми во овие земји во 2020 година, првата година од пандемијата, и покрај падот на БДП.
Студијата опфати 16 земји од ЕУ и Швајцарија. Додека БДП падна за 6,4 отсто во 2020 година, личното богатство порасна за 3,9 отсто на историски рекордни 69 трилиони долари.
Ова покажува дека јазот во богатството меѓу богатите и сиромашните расте, а авторите на студијата велат дека тоа е тренд кој ќе продолжи.
Според Извештајот за европско богатство, Германија има најмногу милионери, 2,9 милиони, а Велика Британија и Франција 2,5 милиони.
Швајцарија има најголем број милионери во однос на нејзината популација. Дури 14,1 отсто од швајцарците се милионери.
