Вие имате прво да ја знаете вистината

На Германија и недостигаат работници: „Ако не ја пополниме таа дупка, ќе имаме вистински проблеми“

На Германија ќе и треба зголемена имиграција за да се спречи сериозен недостиг на работна сила што ќе ја поткопа продуктивноста и ќе ја загрози успешната енергетска транзиција, рече Роберт Хабек, министер за економија на најголемата европска економија.

„Имаме 300.000 слободни работни места. Очекувајте тоа да се зголеми на милион или повеќе“, рече лидерот на Зелените, Хабек на прес-конференција.

„Ако не ја пополниме таа дупка, ќе имаме реални проблеми со продуктивноста“, додаде тој.

„Се разбира, тоа значи повеќе квалификувани работни места, обука и подобри можности за вработување и подобри можности за семејствата, но во Германија тоа секако значи зајакнување на имиграцијата во сите области – за инженери, занаетчии, негуватели. Сè уште треба да се организираме“, рече Хабек.

Германскиот економски институт проценува дека бројот на работници годинава ќе се намали за повеќе од 300.000 поради пензионирање.

Се очекува во 2029 година бројот на работници да се намали за повеќе од 650.000, така што на пазарот на трудот во 2030 година ќе има недостиг од приближно 5 милиони работници.

Бројот на вработени Германци се искачи на речиси 45 милиони во 2021 година, и покрај пандемијата на Ковид-19.

По една деценија ниска стапка на наталитет, недостигот на работна сила е демографска темпирана бомба за германскиот пензиски систем што ќе треба да се финансира од сè помалку работници, додека бројот на пензионери кои живеат подолго се зголемува.

Владејачките партии се согласија да ги намалат бариерите за увоз на квалификувана работна сила за време на коалициските разговори, истовремено зголемувајќи ја минималната саатница на 12 евра.

Зачленете се и ќе добивате екслузивни вести од нашиот портал!