Уапсен водечкиот шверцер на хероин во Шпанија

Водечкиот шверцер на хероин во Шпанија денеска е уапсен, а при полициската акција уапсени се уште 10 лица и запленети се 55 килограми дрога, пишува Танјуг.

Полицијата соопшти дека криминалната организација, со седиште во централната провинција Толедо, купила големи количества хероин од извор во Холандија и потоа ја дистрибуирала дрогата до дилерите во делови од централна и западна Шпанија.

Полицијата претреси осум имоти во Мадрид, Толедо и Касерес.

Полициските истражители рекоа дека дилерот го нарекле „шпанскиот Пабло Ескобар“ и дека тој бил тесно поврзан со глобален нарко-клан управуван од турски државјанин од Истанбул.

Истрагата за оваа криминална организација започна во март минатата година и доведе до апсење на голема пратка хероин во декември 2021 година. Исто така, полицијата не го прецизирала точниот датум на апсењето, наведува американската агенција.