Вие имате прво да ја знаете вистината

Навални прогласен за терорист и екстремист, Русите го поистоветуваат со ИСИС и Талибанците

Рускиот опозициски лидер Алексеј Навални, кој е во затвор една година, е вклучен во листата на „терористи и екстремисти“ на руската служба за финансиски мониторинг Росфинмониторинг, задолжена за борба против перење пари и финансирање тероризам.

На списокот се најде и еден од неговите соработници Љубов Собол, кој побегна во егзил пред да биде кривично гонет.

Според Антикорупцискиот фонд, организацијата на Навални беше забранета во јуни и на списокот беа додадени уште најмалку девет лица поврзани со неговото движење.

Во средината на јануари, на списокот беа додадени двајца од главните соработници на Навални, Иван Жданов и Леонид Волков, кои живеат во егзил.

Списокот вклучува илјадници луѓе и стотици исламистички, религиозни и ултранационалистички организации забранети во Русија, како што се Талибанците и Исламската држава.

Навални (45) беше уапсен на 17 јануари 2021 година во Москва, откако се врати од лекување во Германија по тешкото труење во август, за кое го обвинува рускиот претседател Владимир Путин.

За измама е осуден на две и пол години затвор.

Зачленете се и ќе добивате екслузивни вести од нашиот портал!