Вие имате прво да ја знаете вистината

Катар се согласи да испрати вишок гас во ЕУ, но Доха му постави услов на Брисел: „Сакаме гаранции“

Европската унија мора да ја ограничи препродажбата на гас надвор од нејзините граници, доколку сака Катар и другите големи снабдувачи со гас да обезбедат снабдување за време на криза, во случај на руско-украински конфликт, изјави извор од Доха за Брисел.

Катар би можел да пренасочи некои испораки на гас од Азија во ЕУ за да ги ублажи проблемите со снабдувањето доколку Русија ја нападне Украина и САД возвратат со санкции за Москва, изјави неименуван извор минатата недела.

Доха може да испрати одреден вишок гас во Европа, но тој вишок не е голем бидејќи најголемиот дел од гасот е резервиран за испораки решени со долгорочни договори, рече изворот.

Минатата недела Доха ги претстави своите барања до ЕУ, а емирот на Катар разговараше со претседателката на Европската комисија Урсула фон дер Лајен. Европската комисија соопшти дека нема да коментира детали од разговорите со меѓународните партнери за снабдувањето со гас.

Катар сака гаранции од ЕУ дека земјите-членки ќе го пренасочат вишокот ЛНГ само во рамките на Унијата, изјави денеска за Ројтерс извор запознаен со разговорите.

„Доколку тие не се користат, итни пратки во ЕУ би можеле да се препродаваат надвор од Унијата како испораки на физичкиот пазар, со профит, што во основа би го продолжило недостигот на енергија во ЕУ“, објасни изворот.

Катар, исто така, повика на „решение“ на европската истрага за долгорочните договори од 2018 година, што, според Брисел, може да го блокира слободниот проток на гас во Европа и нејзиниот единствен пазар на гас, изјави извор за Ројтерс.

„Ова ќе гарантира дека ЕУ ќе може да склучува долгорочни договори со Катар и други, наместо поскапи договори на физичкиот пазар или да бара краткорочни решенија во екот на кризата“, рече изворот.

„Снабдувањето од Катар нема да биде условено со исполнување на барањата, но проблемите мора да се решат за да се обезбедат долгорочни и краткорочни решенија за европската криза со ЛНГ“, додаде тој.

„Решенијата не би биле резервирани само за Катар, тие всушност создаваат можности за решенија во Европа, без разлика дали тоа е Катар или некој друг“, рече изворот.

Доха сè уште не побарала пренасочување на пратките, рече изворот.

Барањата на Доха водат кон либерализацијата на пазарот на гас во ЕУ, според Ројтерс. ЕУ верува дека слободната трговија со гас е клучна за енергетската безбедност, но големите производители и некои потрошувачи велат дека реформите во последните две децении често предизвикуваат хаос и доведоа до повисоки цени.

Зачленете се и ќе добивате екслузивни вести од нашиот портал!