Велика Британија, Србија и Турција во трка за тоа кој ќе биде домаќин на ЕУРО 2028!

Велика Британија заедно со Република Ирска ќе се пријават за домаќини на континенталниот турнир во фудбал во 2028 година.

Според британските медиуми конкуренција ќе бидат Турција и Србија, која истото го сакаат во заедничка организација со Бугарија, Грција и Романија.

Минатата година УЕФА објави дека ќе прифаќа кандидатури до 23 март, а трката официјално ќе биде објавена на 5 април.

Земјата/земјите кои сакаат да бидат домаќини на ЕУРО 2028 мора да имаат десет стадиони со следните капацитети:

* најмалку еден стадион со капацитет од најмалку 60.000 седишта;

* најмалку еден, а по можност два стадиони со капацитет од најмалку 50.000 седишта;

* најмалку четири стадиони со најмалку 40.000 седишта;

* најмалку три стадиони со најмалку 30.000 седишта.

Што се однесува до соседна Србија, таа во моментов ги има на располагање стадионите на Црвена звезда со капацитет од 52.000 места и Партизан со капацитет од 30.000 места, а главен адут е планирана изградбата на Националниот стадион.

Згора на се во соседна Грција, Атина има стадион од над 70.000 седишта, со сите модерни капацитети, како и во Букурешт, кој е изграден пред 11 години (55.000 места) и уште еден во Софија, Васил Левски (44.000 места).

Конечната одлука за домаќинот ќе биде донесена до крајот на 2023 година.