Вие имате прво да ја знаете вистината

Словенечкиот премиер Јанша позитивен на само-тестирање, ги има „сите класични симптоми“

Во Словенија продолжува трендот на смирување на петтиот бран на епидемијата на Ковид-19, а од кабинетот на премиерот Јанез Јанша велат дека неговата инфекција е потврдена, засега без посебни симптоми.

Јанша на својот Твитер изјави дека со само-тестирање открил дека е заразен со новиот коронавирус, дека ги има „сите класични симптоми“, но засега во поблага форма и дека тестот покажал позитивен резултат кај неговите две малолетни синови.

Во Словенија во изминатите 24 часа се потврдени 5.076 инфекции со коронавирус, со 1.566 PCR и 51.036 брзи антигенски тестови, а уште 16 починале, објави во средата Националниот институт за јавно здравје (NIJZ).

Потврдени се околу 6.000 инфекции помалку од претходниот ден, а падот на новозаразените е и на неделно ниво, па продолжува трендот на смирување на петтиот бран на епидемијата од крајот на минатата недела.

Во Словенија моментално има 173.691 активни инфекции.

Опаѓаат и другите показатели за епидемијата, па сега седумдневниот просек на зарази во еден ден е 9.991, а 14-дневната инциденца на 100.000 жители е 8.239.

Незначително е зголемен бројот на хоспитализирани во однос на претходниот ден. Во болниците има 812 пациенти со коронавирус, од кои 146 се на одделенија за интензивна нега, а со бројот на починати во последните 24 часа, бројот на починати од почетокот на епидемијата се искачи на 6.028.

Зачленете се и ќе добивате екслузивни вести од нашиот портал!