Вие имате прво да ја знаете вистината

Зеленски со нови барања: Укинете ги визите за руските убијци

Украинскиот претседател Володимир Зеленски во петокот уште еднаш ги повика членките на Европската унија да ги забранат визите за руските граѓани за да не стане блокот „супермаркет“ достапен за секој што има средства да влезе.

Зеленски истакна дека неговиот предлог не се однесува на Русите на кои им е потребна помош затоа што ја ризикувале својата слобода или живот со отпорот на политиката на лидерот на Кремљ Владимир Путин.

„Тие треба да живеат во својот свет“

Мора да има гаранции дека руските убијци или соучесниците во државниот терор не користат шенген визи – рече Зеленски во ноќното обраќање, мислејќи на визите кои му овозможуваат на сопственикот пристап до Шенген зоната, која вклучува неколку земји од ЕУ.

Второ, не смееме да ја уништиме самата идеја за Европа – нашите заеднички европски вредности. Затоа, Европа не смее да се претвори во супермаркет во кој не е важно кој влегува и каде главно е луѓето само да си ја плаќаат својата стока – рече тој.

Зеленски прво повика на забрана за визи во интервју за Вашингтон пост оваа недела, велејќи дека Русите треба да живеат во свој свет додека не ја променат својата филозофија.

Сè уште чека да добиее поддршка

Апелот на Зеленски допрва треба да ја добие поддршката од главните играчи во ЕУ. Но, како што рече, бил охрабрен од поддршката на балтичките земји и Чешка, која во моментов претседава со ЕУ. Финска исто така ја поддржа идејата.

Портпаролот на Кремљ, Дмитриј Песков претходно оваа недела го осуди апелот на Зеленски, велејќи дека „секој обид да се изолираат Русите или Русија е процес кој нема перспектива“.

Зачленете се и ќе добивате екслузивни вести од нашиот портал!