Вие имате прво да ја знаете вистината

Telegram доби големо ажурирање и бројни нови функции

Telegram, кој продолжува да биде една од најдобрите алтернативи за WhatsApp и слични услуги, доби ново големо ажурирање, со голем број нови функции.

За почеток, Telegram сега добива бесконечни реакции, како и пристап до реакциите кои претходно беа достапни само за корисниците на Telegram Premium.

„Сите корисници сега имаат пристап до десетици реакции – вклучително и оние што претходно беа достапни само за Telegram Premium, како што е 🤣 😐 🐳. Со цел да ги имплементираме сите нови емотикони, го редизајниравме панелот за реакции со негово проширување. Реакции на оние што често ги користите ќе бидат прикажани на врвот. Корисниците на Telegram Premium можат да избираат од неограничен број приспособени емотикони. За полесно да се избере од илјадници и илјадници емотикони, сега може да се прикачат до три реакции по порака“, посочува Telegram.

Премиум корисниците добиваат и нова ексклузивна функција, наречена „статуси на анимирани емотикони“, кои се прикажуваат веднаш до името на корисникот.

Од ова ажурирање, Telegram добива и нови линкови за кориснички имиња кои ја олеснуваат и директната работа со оваа функција.

За корисниците на Android, Телеграм добива некои мали освежувања, вклучително и потечни анимации за отворање, затворање и менување медиумска содржина. И на Android 13, Telegram има специјална икона за да одговара на темниот режим на телефонот и нагласените бои.

Зачленете се и ќе добивате екслузивни вести од нашиот портал!