Вие имате прво да ја знаете вистината

Меркел откри; Тоа беше планирано со Путин уште една година пред војната

Поранешната германска канцеларка Ангела Меркел во интервју за „Шпигел“ потврди дека планирала преговори со Путин една година пред почетокот на војната во Украина.

Сепак, таа се откажа од таа идеја бидејќи не гледаше можност да влијае врз рускиот претседател.

Меркел изјави за „Шпигел“ дека таа и францускиот претседател, Емануел Макрон, планирале да организираат независен формат за разговорите на Путин со Европскиот совет во 2021 година последното лето од нејзиниот мандат.

„Но, јас веќе немав сила да го туркам процесот бидејќи сите знаеја: таа заминува наесен“, изјави поранешната канцеларка.

Таа се повлече од политиката по 16 години на власт во Германија по изборите во септември 2021 година и откога во декември му ги предаде овластувањата на Олаф Шолц од Социјалдемократскиот сојуз.

Сеќавајќи се на својата последна посета на Москва во август 2021 година, Меркел, која течно зборува руски, изјави за „Шпигел“: „Чувството беше јасно – во однос на политичката моќ, вие сте готови. За Путин, важна е само моќта“.

Коментирајќи го своето заминување од политичката сцена, таа вели: „дојде време за нов пристап“ бидејќи нејзината влада не постигнала напредок не само во Украина туку и кога станува збор за конфликтите во Молдавија, Грузија, Сирија и во Либија.

Зачленете се и ќе добивате екслузивни вести од нашиот портал!