Дигестивниот систем, вклучувајќи ги цревата, црниот дроб и жолчното кесе, игра клучна улога во варењето, детоксикацијата и целокупното здравје. Сепак, лошата исхрана и нездравите животни навики можат да го забават варењето, да доведат до акумулација на токсини и да предизвикаат разни заболувања. За среќа, консумирањето храна богата со хранливи материи може да ја поддржи оптималната функција на овие органи.
Храната богата со растителни влакна го подобрува здравјето на цревата, антиоксидансите промовираат детоксикација на црниот дроб, а одредени хранливи материи ја поддржуваат функцијата на жолчното кесе. Правилната исхрана може да помогне да се спречат проблеми како надуеност, бавен метаболизам и камења во жолчката.
Гастроентерологот Др. Џозеф Салхаб сподели неколку суперхрана што редовно ги вклучува во својата исхрана, за одржување на здравјето на цревата, црниот дроб и жолчното кесе.
Авокадо
Авокадото е богато со влакна, кои промовираат здраво варење и ги поддржуваат корисни цревни бактерии. Неговите антиинфламаторни својства ја намалуваат надуеноста и ја подобруваат функцијата на дигестивниот систем.
„Авокадото содржи изненадувачка количина на влакна и делува како природен пребиотик, што го прави една од клучните намирници за здравјето на црниот дроб и дебелото црево“, рече др. Салхаб во видеото.
Овошје со кора
Кората на овошјето е богата со растителни влакна, особено нерастворливи влакна, кои помагаат во регулирање на варењето, спречување на запек и ги храни корисните бактерии во цревата. Др. Салхаб препорачува конзумирање на овошје како киви, круши и јаболка со лушпа. Тој особено ги истакнува јаболките кои имаат „силно заштитно дејство на црниот дроб“, а со додавање на цимет стануваат вкусна и здрава закуска.
Мешавина од ореви
Јаткастите плодови се богати со витамин Е, кој е од суштинско значење за здравјето на црниот дроб и исто така ја поддржува функцијата на мозокот. Др. Салхаб забележува дека луѓето кои почесто консумираат јаткасти плодови може да имаат помал ризик од рак на дебелото црево. Покрај тоа, кожата на јаткастите плодови содржи пребиотски влакна и полифеноли, додека антиоксидансите како што се флавоноидите и витаминот Е ги штитат клетките на црниот дроб од оксидативен стрес и промовираат детоксикација.