Актуелниот тренер на Реал Мадрид, Карло Анчелоти ќе го напушти клубот од стадионот „Сантијаго Бернабеу“ по финалето на Купот на Шпанија на 26 април, ексклузивно пренесува Sky Sports.
Иднината на Анчелоти на клупата на Реал беше доведена во прашање по дебаклот во четврт-финалето на Лигата на шампионите каде кралскиот клуб одигра под нивото и беше поразен од Арсенал со вкупен резултат 5:1.
Реал беше апсолутно немоќен, а во одредени делови од двоглавиот и срамен, во дуел со англиски тим кој не му даде шанса да напредува, со што на сите им даде до знаење дека времето на Анчелоти во Мадрид заврши.
Се очекува 65-годишниот тренер да остане на клупата до финалето на Купот на Шпанија, кое е закажано во Севиља, а по тој меч да го напушти клубот, додава истиот извор.
Реал во финалето ќе ги одмери силите со Барселона со која се бори за титулата шпански првак, а актуелен лидер е каталонскиот тим со четири бода повеќе од Реал, на седум натпревари до крајот.
Покрај во Купот на Шпанија, овие ривали ќе ги одмерат силите и во првенството Ел Класико кое е закажано за 11 мај, но Краљева на тој меч нема да биде предводена од трофеен тренер.
Неговата иднина се чини дека е врзана за бразилскиот фудбалски тим, кој сака да го ангажира како тренер, каде би можел да го наследи Доривал Јуниор.