Џек Шлосберг, внук на Џон Ф. Кенеди, ја исмеа Меланија Трамп поради нејзиното писмо до рускиот претседател Владимир Путин.
Во петок, на 15 август, американскиот претседател Доналд Трамп се сретна со Путин во Алјаска. Претставници на Белата куќа открија дека Меланија го убедила својот сопруг лично да му го достави писмото што таа му го напишала на Путин.
Во својата порака, Меланија Трамп изрази загриженост за безбедноста на украинските деца кои Русите ги однеле од нивната татковина без согласност на родителите и ја повика Москва да ја заштити невиноста на тие деца. Содржината на писмото очигледно била инспирација на Шлосберг за скицата. Со кратка руса перика и силен обид за странски акцент поради словенското потекло на Меланија, тој го прочитал целото нејзино писмо од почеток до крај, иако повремено прескокнувал по некој збор, а некои погрешно ги изговарал.
На крајот од неговото драматично читање на писмото, 32-годишниот Џек додаде со акцент наменет да го претставува Трамп:
„Што взборувам јас? Ова нема смисла. Ве молам бидете поконкретни, госпоѓо Меланија Трамп.“
Објасни зошто не му се допаднало писмото
Потоа, отфрлајќи го ликот и периката, Шлосберг откри зошто не му се допаднало писмото.
„Не мислам дека има смисла. Мислам дека не е ништо повеќе од некаков „мелодичен смеа“, тоа е сè што се сеќавам, и дека е повик до Путин да ја запре војната. Хмм, интересно. Можеби би можела да разговара со некој што би можел да стори нешто во врска со тоа“, рече Џек.
Шлосберг заклучи:
„Многу збунувачко писмо. Многу збунувачка порака. Не е толку збунувачко како конфликтот во Украина.“
Што вели писмото?
Ја препечатуваме содржината на писмото во целост:
„Почитуван претседателе Путин,
Секое дете ги носи истите тивки соништа во своето срце, без разлика дали е родено во скромен рурален предел или во прекрасен градски центар. Тие сонуваат за љубов, можност и безбедност од опасност.
Како родители, наша должност е да ја негуваме надежта на следната генерација. Како лидери, нашата одговорност за иднината на нашите деца оди подалеку од удобноста на неколкумина. Јасно е дека мора да се стремиме да обликуваме свет исполнет со достоинство за сите, за да може секоја душа да се разбуди во мир и за да може самата иднина да биде совршено заштитена.
Fox News published a letter from First Lady Melania Trump to Putin:
— Anton Gerashchenko (@Gerashchenko_en) August 16, 2025
“Dear President Putin,
Every child shares the same quiet dreams in their heart, whether born randomly into a nation’s rustic countryside or a magnificent city-center. They dream of love, possibility, and safety… https://t.co/XOSdXaJA7U pic.twitter.com/NQVUGtLQnF
Едноставна, но длабока мисла, господине Путин, со која сум сигурен дека се согласувате, е дека потомците на секоја генерација го започнуваат својот живот со чистота, невиност што стои над географијата, моќта и идеологијата.
И сепак, во денешниот свет, некои деца се принудени да носат тивки насмевки, недопрени од темнината околу нив, тивок гест на пркос против силите што би можеле да им ја одземат иднината. Господине Путин, само вие можете да им го вратите мелодичниот смеа.
Со заштитата на невиноста на овие деца, ќе направите повеќе од тоа само да ѝ служите на Русија; ќе ѝ служите на самото човештво. Таквата смела идеја ги надминува сите човечки поделби, а вие, господине Путин, сте човекот способен да ја реализирате таа визија со еден потег на пенкалото денес.
Време е“, се вели во писмото на Меланија Трамп до рускиот претседател.