Македонското МВР соопштува дека разбило меѓународна криминална група која се занимавала со фалсификување пари, при што биле уапсени повеќе лица од Македонија и Србија.
Од МВР велат дека на 02.01.2025 година била спроведена меѓународна истрага, координирана од ЕУРОПОЛ, од полициите на Македонија и Србија, а под раководство на надлежните јавни обвинителства, која резултирала со сузбивање на организирана криминална група вмешан во извршувањето на кривичното дело фалсификување пари, кое дејствувало на териториите на повеќе земји.
„Во периодот од крајот на 2023 година до февруари 2025 година, на територијата на Република Северна Македонија и Република Србија е формирана организирана криминална група, составена од државјани на Македонија и Србија, чија цел била производство и промет на фалсификувани пари.
Во стан во скопско се произведуваат фалсификувани пари во различни апоени со помош на специјални машини, претходно изработени со врежани таблички кои ги имитираат безбедносните карактеристики на парите. Организираната криминална група вака произведените фалсификувани пари ги пуштила во оптек во платните системи на Република Северна Македонија и Република Србија, а голем дел завршиле и во платните системи на Австрија, Германија, Романија, Словенија, Хрватска и Косово.
Во рамки на акцијата на територијата на Република Северна Македонија, врз основа на претходно добиени наредби од Основниот кривичен суд, извршени се рации на повеќе локации на подрачјето на Скопје, Велес и Прилеп врз правни и физички лица, што резултираше со приведување на 10 лица (девет лица од Скопје и едно лице од Велес). При проверките пронајдени и одземени се предмети и готовина кои ќе бидат предмет на вештачење и тоа: приближно 500.000 евра, 25.000 американски долари, 500 швајцарски франци, 1.800 израелски шекели, 500 хрватски куни, 10.000 албански леки, 1.000 круни и 1.000 шведски круни, рубља, ЦПУ машина за изработка на калапи, машини, марки и ролки за правење фалсификувани пари, копии од делови од банкноти, три пиштоли, пушка, 100 парчиња патрони калибар 9 мм, 40 патрони од 12 мм, торба наполнети со бел прав, кафеав прав, бројни телефони, сим картички, УСБ и лаптопи“, соопшти МВР.
Од МВР велат дека во рамки на акцијата спроведена во Република Србија, уапсени се шест лица, членови на организирана криминална група, а пронајдени и запленети се околу 153.700 евра.
Оттаму додаваат дека активностите ќе продолжат во рамки на отворената меѓународна истрага и денеска Одделението за борба против организиран криминал и сериозен криминал ќе поднесе кривична пријава против шест македонски и двајца српски државјани