Кардиоваскуларните болести со децении го држат првото место на листата на причини за смртност во неколку земји.
Додека повеќето луѓе ги знаат знаците на срцев удар, како што се болка во градите, отежнато дишење, неправилно чукање на срцето и замор, постојат некои помалку познати знаци на претстојниот срцев удар.
Промени во ноктите
Дали забележавте дека вашите нокти станаа погусти и пошироки? Оваа состојба се јавува затоа што оксигенираната крв не стигнува до прстите.
Сив прстен околу ирисот
Можеби не знаете, но околу 45% од луѓето постари од 40 години имаат сив прстен околу ирисот, а тој процент се зголемува до 70% кај луѓето постари од 60 години. Овој знак може да укажува на претерано високи нивоа на холестерол – масна супстанција која може да ги затне крвните садови и да го зголеми ризикот од коронарна срцева болест.
Додека повеќето луѓе ги знаат знаците на срцев удар, како што се болка во градите, отежнато дишење, неправилно чукање на срцето и замор, постојат некои помалку познати знаци на претстојниот срцев удар.
Отекување на нозете (едем)
Др. Бавини Шах за Daily Mail предупредува дека отечените нозе не се само естетски проблем. Кога срцето не е доволно силно за ефикасно да пумпа крв, течноста се акумулира во вените и ткивата на нозете и стапалата. Иако овој симптом е важен, само 46% од луѓето ја препознаваат неговата поврзаност со срцевите заболувања.
Др. Шах нагласува дека промените во животниот стил можат значително да помогнат во спречување на срцеви заболувања. Прво, намалувањето на потрошувачката на масна храна не само што може да го намали ризикот од коронарна срцева болест, туку и да помогне во намалување на крвниот притисок и холестеролот. Се препорачува диета богата со влакна и малку масти. Вклучете најмалку пет порции овошје и зеленчук на ден, заедно со цели зрна како овес, ‘рж и кафеав ориз.
Дополнително, ограничете го внесот на сол и заситени масти. Препорачаниот дневен внес на сол е максимум 6 грама, а избегнувањето на заситените масти е важно бидејќи тие можат да го подигнат нивото на холестерол. Исто така, важно е да се биде активен бидејќи редовната физичка активност може да го намали ризикот од срцеви заболувања за дури 35%.
Конечно, исто така е добра идеја да се откажете од пушењето и да го ограничите консумирањето алкохол. Пушењето ја оштетува слузницата на артериите, вклучувајќи ги и коронарните артерии, а прекумерното консумирање алкохол може да го зголеми ризикот од срцеви заболувања и мозочен удар.