Кина вети дека ќе ги заштити американските компании и странските инвестиции, соопштија денеска локалните власти по воведувањето царини од 34 отсто на американскиот увоз во услови на засилена трговска војна.
„Кинеските контрамерки имаат за цел не само цврсто да ги заштитат легитимните права и интереси на компаниите, вклучително и американските компании (во Кина), туку и да ги вратат САД на вистинскиот пат на мултилатералниот трговски систем“, рече кинескиот заменик министер за трговија Линг Ји.
Линг се обрати пред група американски работодавци во неделата, се вели во соопштението на неговото министерство.
Американскиот претседател Доналд Трамп воведе царински мерки за речиси сите земји во светот.