И за една недела важи мерката за замрзнување на профитната маржа на прехранбените производи кои се дел од есенската потрошувачка кошничка. Со одлука на Владата намалени се цените на 73 основни прехранбени производи. Податоците на Сојузот на синдикати на Македонија објавени вчера покажуваат дека минималните трошоци на едно семејство во октомври се намалени за 57 денари. Додека власта смета дека мерката дава резултати, СДСМ до Собранието достави предлог за законски измени со кои се бара зголемување на минималната плата на 450 евра.
Според СДСМ, податоците од минималната синдикална кошничка која за месец октомври изнесува 61.249,00 денари без трошоците за стан за кирија од 60 метри квадратни, покажуваат дека владината мерка дала дел од посакуваните ефекти, но дека цените сепак мора да се намалат бидејќи нивниот раст не е поврзан со економската логика.
„Важно е да се напомене дека владината мерка за ограничување на висината на маржите даде дел од посакуваниот резултат, но поради алчноста за профит кај трговците која државата треба да ја заузда, кога ја сфатија намерата на Владата за оваа мерка, тие ги зголеми цените на сите производи, а тоа го потврдуваме со зголемувањето на вредноста на графата храна и пијалоци во минималната синдикална кошничка за повеќе од 717 денари за последниот месец септември и во истата графа во рубриката храна и пијалоци. во месец октомври 2024 година, што е 22.069,00 денари во однос на месец септември 2024 година (23.034,00 денари) се намалува за 965,00 денари“, велат од СДСМ