Народната банка предлага граѓаните да имаат право на четири бесплатни подигнувања месечно од банкомати на други банки, во вредност до 2.000 денари по трансакција. Според гувернерот Трајко Славески, целта е да се обезбеди полесен пристап до готовина за сите граѓани, без оглед на тоа во која банка имаат сметка. Се очекува мерката да стапи на сила на почетокот на 2026 година.
„Готовите пари ќе продолжат да ги користат повеќето граѓани, иако во помали количини. Препорачливо е секој да има готовина за основни потреби во период од барем неколку дена до една недела“, рече гувернерот на социјалната мрежа X, додавајќи дека поддржувачите на физичките пари ја нагласуваат анонимноста и слободата што ја нудат, став што, според него, треба да се почитува.
Славески истакна дека распределбата на банкоматите во земјата е нерамномерна, па затоа ќе се преземе иницијатива за создавање национална мрежа на банкомати. Оваа мрежа ќе се базира на постојната банкарска инфраструктура, со план за проширување и оптимизација, во корист на граѓаните и самите банки.
Според планот, се очекува националната мрежа на банкомати да биде целосно оперативна до крајот на 2026 година.