Мостот низ Големиот Кањон Хуаџијанг , еден од најимпресивните инженерски проекти во Кина, успешно го помина критичниот тест за издржливост само неколку недели пред неговото закажано отворање на крајот на септември.
Масивната структура, која се протега низ клисура во покраината Гуиџоу на височина од 625 метри, ќе биде највисокиот мост во светот.
Изграден е за да се подобрат патните врски во тешко достапните области, да се олесни трговијата и да се ревитализира покраината со привлекување туристи.
Исто така, планиран е голем центар за екстремни спортови во подножјето на клисурата.
Како што пишува Би-Би-Си, тестот за цврстина на мостот, кој е дел од последната фаза од проверките пред да биде отворен за сообраќај, траел пет дена.
Меѓу другото, тоа вклучуваше поставување 96 камиони на одредени точки на мостот за да се потврди структурниот интегритет на проектот.
Патем, станува збор за челичен висечки мост со решеткаста структура со вкупна должина од 2.890 метри. Вкупно, овие решетки тежат околу 22.000 тони, што е еквивалентно на тежината на три Ајфелови кули.
Изградбата траеше три и пол години, а официјално започна на 18 јануари 2022 година.
Провинцијата Гуиџоу е планински регион во Кина, сместен 800 милји западно од градот Шенжен. Веќе е дом на многу импресивни структури и згради. Всушност, речиси половина од 100-те највисоки мостови во светот се наоѓаат во оваа провинција.