Директорот на Царинската управа, Бобан Николовски, објави дека е подготвен нов закон за царина. Тој рече дека дирекцијата изработила нацрт-текст на новиот закон за царина, усогласен со Царинскиот закон на ЕУ, за кој, како што рече, очекуваат да стапи на сила до крајот на оваа година.
„Суштината на законот е да се подобрат условите за водење бизнис и побрза интеграција во единствениот пазар на ЕУ, преку создавање целосно дигитални царински операции, целосна компатибилност со системите што се користат во ЕУ, на чија имплементација веќе работиме, како и обезбедување поголема безбедност на стоките.“
Николовски нагласи дека редовниот дијалог е клучот за подобрување на процесите и подобрување на деловната клима во земјата, со кој сите засегнати страни придонесуваат за економската стабилност на земјата и подобрување на конкурентноста на економијата на земјата.
„Во овој период интензивно работиме на имплементација на нов национален Едношалтерски систем, кој треба да овозможи електронско поднесување на барања за издавање лиценци и дозволи на едно место со единствен внес на податоци.“
Николовски рече дека со усвојувањето на Предлог-законот за изменување и дополнување на Законот за царинска тарифа, ќе се намалат царинските стапки за 67 производи што се користат како суровини или меѓупроизводи во автомобилскиот, металопреработувачкиот, металуршкиот и енергетскиот сектор.