Вицепремиерот и министер за транспорт и врски, Александар Николоски, кој заедно со владината делегација престојува во посета на Обединетите Арапски Емирати, најави дека се во процес на договор за летови со „Ер Арабија“.
Николоски истакна дека туризмот, инфраструктурата и образованието се секторите за соработка на кои се фокусирале при посетата со владината делегација на ОАЕ.
„Имаме бројни состаноци и ќе потпишеме неколку договори за економска соработка. Разговараме и за директно спојување, веќе имаме договор со Флај Дубаи за летот Дубаи-Скопје што треба да започне наскоро, а со Ер Арабија разговараме и за отворање најмалку две лета, од кои едната се надевам дека ќе биде во Охридскиот регион, што дополнително би го развило туризмот“, изјави Николоски.
Делегацијата предводена од премиерот Христијан Мицкоски денеска оствари средби со стопанските комори во Емиратите Шарџа и Дубаи.
„Зборуваме за можностите за инвестирање во Македонија во областите на инфраструктурата, туризмот и земјоделството. Зборуваме за големите можности што туризмот ги носи во Македонија и планинскиот и езерскиот туризам. Исто така, за коридорите 8 и 10, кои се важни за поврзување на цела Европа, не само со Македонија, ги презентираме пред Стопанските комори во Обединетите Арапски Емирати, е исклучително важен дел од посетата на Македонија, како дел од политичкиот пат кон Македонија и имаше исклучително добра средба со претседателот на Обединетите Арапски Емирати, утре ќе имаме средба со премиерот, додека денеска ќе бидат потпишани неколку важни договори за економска, образовна и туристичка соработка на министерско ниво, кои ќе придонесат за уште побрз развој“, рече Николовски.
Вицепремиерот со овие средби се надева дека во Македонија ќе се привлечат инвеститори, ќе се отворат нови добро платени работни места, а земјата ќе може да напредува.